ҚҰҚЫҚБҰЗУШЫЛЫҚТЫҢ АЛДЫН АЛУ БАҒЫТЫНДА ҮШЖАҚТЫ МЕМОРАНДУМ ҚАБЫЛДАНДЫ
15.03
«Тұран» өңірлік даму» қоғамдық қорының ұйымдастыруымен Қызылордада «Тәртіпсіздік пен құқықбұзушылыққа мүлдем төзбеушілік» тақырыбында дөңгелек үстел өтті.
Оған «Жас Отан» ЖҚ-ның мүшелері, қоғамдық бірлестіктер мен қалалық ювеналды полиция қызметкері қатысты. Кездесуде жастар арасындағы құқықбұзушылық мәселелері қозғалды. Ювеналды полиция аға лейтенанты А.Нұрымбетова тақырыпқа қатысты бейнероликтер көрсетті.
Жиын соңында бірлескен іс-қимыл жасау мақсатында «Тұран» өңірлік даму» қоғамдық қоры, «Жас Отан» жастар қанаты Қызылорда облыстық филиалы және «Қызылорда - Ақиқат айнасы» жастар қоғамдық бірлестігі үшжақты меморандум қабылдады.
Қор мүшелері сондай-ақ ювеналды полиция қызметкерлерімен бірге жасөспірімдердің заңды өкілдерінсіз сағат 22:00-ден бастап ойын-сауық орындарында және сағат 23:00-ден бастап көшеде жүрмеуіне жол бермеу мақсатында түнгі рейд ұйымдастырды. Бұған дейін Жаңақорған кентіндегі № 4 мектеп-интернатта, Қызылорда қаласындағы № 235 мектепте оқушыларға түсіндірме жұмыстары жүргізіліп, Шиелі және Жаңақорған кенттерінде акциялар ұйымдастырылды. Тегін кеңес беру жұмыстары айына кемінде бір рет жүргізіледі.
Жаңалықты мекеменің сайтында қарауЖаңалықтар тізіміне көшу
.jpg)
